عطيته اهتمام ورسمت له خطين وحوله قوس وقوس
وعلمني ان الفرح بطل يموت بآخر القصـــــــــــــه
وعلمني ان الخداع سمٍ في جوف الفرح مدســــوس
و الهم درسٍ خذيته وعقبها قال يا فلان انتهت الحصه
هذا درسٍ بعتبر منه عن باقي الـــــــــــــــــــدروس
هذا الزمان ودروسه وهذا اللي تعلمته من صفــــــه
اقول يا فلان النفوس ما عادت مثل ذيك النفـــــــوس
مثل الخطاب ما ينفهم مضمونه لو تِحرَف نصـــــــــه
ناسٍ ترسم العنى وناس عَضَت انامل القهر بالضروس
وناس يشوفونك تخاوي الشقى تحت وهم فوق المَنصه
الا يا فلان اصغر امانيهم يحوسون حياتك حــــــــوس
ويحسدونك على اللقمه لين يجيك من الحَسد غَصه
ينخرون آمالك مثل الضرس لا نَخره الســـــــــــــوس
واكبر امانيهم يهدمون طوب الأمل اللي ترصـــــــــــه
يا حلمٍ بديته اهتمام وجاني متلبس بثوب كابــــــوس
عيش بخداعك وانا موتي مثل البطل اللي مات بآخر القصه
..
هذا حالهم ولا وش تحسبهم على بالك
وقت المصالح كل الكلاب تجيلك
والمصالح تغيرعليك إبن عمك وإبن خالك
والكلاب اللي تنبح للمصالح تغنيلك
لكن بالاخير متروك لحالك لحالك
وقتها ما يفيد حتى القريب الله وكيلك
..
ياللي جعلتنا صوب العرب مثل الاغراب
وياللي ترسم صورة الصدق وانت كذوب
اقول يا صاحبي كل ما بالنفس منك طاب
وشمسك اللي اشرقت اليوم صابها الغروب
..
وسلامتكم