منتديات الحجاز الثقافية  

 


استرجاع كلمة المرور طلب كود تفعيل العضوية تفعيل العضوية
العودة   منتديات الحجاز الثقافية ( ثقافية - تاريخية - أجتماعية ) - alhjaz forums of cultural > منتديات الحجاز الأدبية - Alhjaz Literary Forums > قصص و حكايات > قصص منوعة

إضافة رد
 
أدوات الموضوع انواع عرض الموضوع
قديم 20-09-2013, 09:43 PM   #1
كيـ إنسانة ـان
.:: حجازي فعال ::.
 
الصورة الرمزية كيـ إنسانة ـان
 
تاريخ التسجيل: Sep 2013
المشاركات: 248
معدل تقييم المستوى: 11
كيـ إنسانة ـان ممتاز
افتراضي دق و كنت أحسبه توقف

هديل بنوتة رقيقة عندها 21 سنة أنهت دراستها في كلية الصيدلة بتقدير عالي و الحمد لله
هي بنت حبوبة و حيوية و بتحب ترضي ربنا و دي أهم حاجة عندها و بعد رضا طبعا رضا والديها
هي من النوع الي بيفكــر بعقله و قافلة على قلبها لأنها عندها يقين كامل إن ربنا هيكرمها و هيكتبلها الخير أدام هي بتحافظ على نفسها و قلبها و بتراعي ربها في كل حاجة بتعملها و في كل تصرف بتقوم بيه .. هي الحمد لله بتحفظ القرآن ومش باقي ليها كتير على ختمه .. و بتدعي ربها إنه يكتبلها الخير و يرزقها بالزوج الصالح

أحمد دكتور صيدلاني عنده 26 سنة حياته كلها متمركزة في شغله في المعمل يتسم ببرود الأعصاب و الهدوء الشديد..بارد في تعامله مع الناس الي حواليه .. ملامحه دايما واحده مش بتتغير بتغير الموقف أبدًا ... بيحب شغله جدًا و بيجتهد فيه ... بس ياتري إيه السبب ورا بروده ده ؟؟؟؟؟؟؟؟؟؟
هديل: أيوة يا جميلة .. إيه التأخير ده كله؟؟؟ ><
جميلة: أيوة حبيبتي أنا جاية أهو .. أنا على باب الجامعة و الله .. أنتِ فين؟؟
هديل: أنا عند شؤون الطلاب أنا و سما و مروة .. يلا تعالى مستنينك؟؟
جميلة: ماشي يا قلبي 5 دقائق و أكون عندكو
مروة: هو أنتو كده على طول ناقر و نقير
هديل: أكيد طبعا مش صاحبتي و توأم روحي أكيد لازم أناقرها
سما: أهي جميلة جت أهي
هديل : ما بدري يا هانم ما كنتي تناميلك شوية كمان ><
جميلة: يا هدولة يا حبيبتي معلش .. أنتِ عارفة المواصلات بقى .. سماح المرة دي يا حبي .. يلا بقى يا عم إفردها بلاش التقل ده .. ده أنا حبيبك برده و توأم روحك و لا إيه
هديل: ماشي يا ستي إن مكنتيش توأمتي بس .. يلا هعديهالك المرة دي
سما: يلا يا جماعة نروح نستلم الشهادات أحسن إتأخرنا
مروة: أيوة يا جماعة يلا كفاية رغي يلا الخطوة السريعة
هديل: ماشي يا بناويت يلا عشان نلحق نخلص
و راحوا الأربع بنات استلموا شهادتهم و كانت الفرحة مش سيعاهم ... أخيرًا بقوا دكاترة رسمي .. و كل منهن روحت على بيتها و هي في منتهي السعاده و بتفكر هتعمل إيه في مستقبلها
هديل: إزيكـ يا مامتي يا حبيبتي .. وحشتيني أوي أوي أوي .. ماما أنا مبسوطه أخيرا يا أمي أخيرا بقيت دكتورة رسمي و هشتغل و أحقق طموحاتي
الأم: الحمدلله يا حبيبتي ... ألف مبروك يا عمري.. ربنا يكتبلك الخير يارب و يحققلك أمانيكي يا بنتي
هديل: الله يبارك فيكي يا أمي .. يارب ربنا يسمع منك يا أمي .. كله ببركة دعاكي يا ست الكل
الأم: يا بكاشة .. يلا قومي إتوضي و صلي و تعالي عشان تتغدي
هديل: أنا بكاشة يا ماما .. مقبولة منك يا مامتي... أنا هروح أتوضى و أصلي بس مش هقدر أكل يا أمي أكلت مع أصحابي برة .. أنا هفتح اللاب شوية و أنام عشان تعبانة
الأم: ماشي يا حبيبتي نوم العوافي
هديل: ربنا يخليكي يا أحلى أم ف الدنيا
الأم: و يخليكي يا بنوتي يا حبيبتي
هديل قامت إتوضت و صلت و فتحت اللاب شوية و بعدين دخلت نامت
تك تك تك
الأب: هدبل قومي يا بابا يلا عشان تصلي المغرب و عايزك ف موضوع يلا حبيبتي
هديل: حاضر يا بابا أنا قايمة أهو يا حبيبي
هديل قامت إتوضت و صلت المغرب و إتغدت و بعدين قعدت تتكلم مع والدها
الأب: هديل عمك يا حبيبتي ليه واحد صاحبه عنده شركة أدوية و محتاجين موظفين جدد .. إيه رأيك يا حبيبتي تروحي تقدمي السي في بتاعك و ربنا ييسر لو حصل نصيب تشتغلي هناك
هديل: جميل يا بابا أنا موافقة .. أروح إمتى إن شاء الله
الأب: هكلم عمك عشان يحدد معاد و يقولي عنوان الشركة
هديل: ماشي يا بابتي ربنا ييسر

كيـ إنسانة ـان غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الانتقال السريع


الساعة الآن 03:47 PM


Powered by vBulletin® Version 3.8.7
Copyright ©2000 - 2024, Jelsoft Enterprises Ltd
All Rights Reserved Alhjaz forums © 2006 - 2020