|
المدينة المنورة المدينة المنورة ، المدينة ، طيبة ، طيبة الطيبة ،طيبه ، طيبه الطيبه ، يثرب ، دار السلام ، مدينة رسول الله ، تاريخ المدينة ، آثار المدينة ، تاريخ طيبه ، معالم المدينة ، كتب المدينة ، كتاب المدينة ، الحرم النبوي الشريف ، خريطة المدينة ، حواري المدينة ، احوشة المدينة ، ازقة المدينة ، حدود المدينة ، المدينة بالعهد العثماني ، المدينة بعهد الاشراف ، المدينة بالعهد السعودي الزاهر ، سكان المدينة ، قبائل المدينة المنورة ، تاريخها - فضلها - آثارها - أخبارها - عادتها - أهلها - ذكرياتها - صورها |
|
أدوات الموضوع | انواع عرض الموضوع |
03-03-2012, 12:59 AM | #1 |
.:: حجازي برونزي ::.
تاريخ التسجيل: Jun 2007
الدولة: المدينة المنورة
المشاركات: 14,905
معدل تقييم المستوى: 58 |
بعض من عادات اهل المدينة المنورة
مساءكم معطر بااحلى ورد وفل مديني راح اذكر بعض العادات اللى يعملوها اهالي طيبة الطيبة واللى اغلبها مازال مستمر الين دحين المعايدة خلال السنة طبعا من العادات الجميلة اللي كانت موجودة في المدينة المنورة وهي مستمرة الين دحين لكن بشكل بسيط وهي المعايدة بدخول السنة الجديدة شهر عاشوراء وهو شهر ( محرم ) ودخول شهر مولد الأول والتاني ( ربيع أول وربيع تاني ) ودخول شهر رجب وشعبان وطبعا في دي العاده الصغير يروح يعيد على الكبير يعني الاخ او الاخت الاصغر سن يروحوا لاخوانهم الاكبر منهم ويرحوا لعماتهم وعمانهم وخوالهم وخالتهم وياخدو معاهم فشار وحاجة يعني ( مكسرات ) اما بشهر شعبان فاالكل يروح ويعيد على كبير العيلة وهو بدوره يوزع عليهم شاهن وهو عبارة عن ( فشار ومشبك وحمام البر وحاجة ولبنية وهريسه ونارجين ) وكانوا الحريم يرحوا ويعيدوا على رجال العيلة بشهر رمضان المبارك وبدورهم الرجال يجوا ويعيدوا على الحريم بيوم العيد .. رمضان انسكم ياحبايب بس ينتشر خبر حلول شهر رمضان المبارك بتلاقي الخبر ينتشر في الحارة بلمح البصر وتلاقي البزوره يجروا بالحارة وهما حاطين عصاييتين على روؤسهم ومربوطه بعصبة وفوقها قطعة قماش ابيض ويرددوا ويقولوا جابوه ماجابوه ولد العري طهروه وبعد صلاة العشا يخرجوا الستات ويروحوا لبيت اكبر ستات الحره ويجتمعوا عندها ويعيدو عليها ويعيدوا على بعض ويقولوا انسكم رمضان وكل سنة وانتو طيبين يعيده علينا وعليكم بالصحة والعافية واللى قدامها ترد يجعلنا ويجعلكم من عوده السالمين ولو كان في الحارة حرمة جالسه بعده اوفي بيت عندهم ميت وماحال عليه الحول يروحوا لهم ويعيدوا عليهم ويقولولهم يرحم الأموات اللى ماعاد عليهم وهي تردلها امواتنا وامواتكم واموات امة سيدنا محمد صلى الله عليه وسلم وبس أول يوم تمسية وقبل الفطور تجيب ست البيت الصحون وتحط فيها الطعمة وترسل ولدها فيها يوزع على بيوت الحارة وطبعا الطعمة بتكون بالتبادل ليلة سبعة وعشرين من شهر رمضان المبارك في ليلة سبعة وعشرين من شهر رمضان المبارك يعني ليلة القدر كانوا ومازال بعض من أهالي المدينة المنورة يأكلوا سمك ويقولوا انوا من ياكل السمك في دي الليلة بتكون اليلة بيضة عليهم ويعملوا مع السمك صينية كنافة باللوز أو الجبنة البلدي .. زيارة سيدنا حمزة رضي الله عنه كانت لأهالي المدينة المنورة عاده مره حلوه وهي زيارة جبل احد وزيارة قبر سيدنا حمزة رضي الله عنه عم سيدنا رسول الله صلى الله عليه وسلم يقوموا بالصلاة ركعتين ويصلوا على النبي صلى الله عليه وسلم ويدعوا لسيدنا حمزة رضي الله عنه وطبعا كان في مزور هناك عشان يزورهم وكانوا يرددوا ويقولوا يأرب ياعم الرسول يا سيد الشهداء جينا نزورك لاتخيب رجانا ويقولوا دي الأهازيج العليا العليا القبة الخضرة االمجليه سيدنا حمزة بيض الله وجهة يستأهل وطبعا كانوا يروحوا المزار على رجولهم طول ما هما ماشين يرددوا العليا العليا القبة الخضرة االمجليه سيدنا حمزة بيض الله وجهة يستأهل .. وردة المدينة |
04-03-2012, 06:38 PM | #2 |
مشرفة الأناشيد والفوازير
تاريخ التسجيل: Oct 2009
الدولة: السعودية- المدينة المنورة
المشاركات: 338
معدل تقييم المستوى: 28 |
والله كانت عادات حلوة نحن الجيل الجديد ماأتولدنا في وقتها
كانت القلوب صافية محبة وألفة بين الأهل والجيران أما دحين ياقلبي لا تحزن |
12-03-2012, 09:45 AM | #3 |
مشرفة قسم القصص والحكايات
تاريخ التسجيل: Oct 2009
الدولة: السعودية
المشاركات: 974
معدل تقييم المستوى: 26 |
زمان ويامحلى زمان النفوس حلوة والقلوب نظيفه
والبساط احمدي ... فين دحين لافي عادات ولاشئ ال نصبح بى نمسي بى !!! ياساتر يسعدك ربي وبالخير يوعدك وموضوع مميز مع شكري وتقديري اجمل وارق واعذب كلمات الثناء بالتوفيق لك دائم دوم * |
23-05-2012, 10:36 AM | #4 |
.:: حجازي جديد ::.
تاريخ التسجيل: May 2012
الدولة: السعودية
المشاركات: 13
معدل تقييم المستوى: 0 |
والله كانت ايام ياريت عشنا ايام المحبة والمودة ف القلوب ومافي حسد ولا نفاق واللكل عايش مبسوووووط ايام البساطة
ايام منجد قللللوب بيضاااااااااااااااااااا منجد بس اسمع العادات والحكاوي ااقول ياريت كنت معاهم في زمانهم لكن موضوع فعلا رائع مشكورة وردة ولبى قلوبنا احنا أهل المدينة مافي زينا بقلوبنا الطيبة الكل يحبنا
__________________
,,, اللــهــمـ أرزقـنــآإ من حيـث لـآآآآ نــ ح ـــتــسـب ,,, اللهم بشرني بالخير كمآ بشرت يعقوب بـ/يوسـفــ وببشرني بالفرح كمآ بشرتـ زكريآ بـ / يحيّى اللـهمـ لآتمكن مني حآسد ولا تُفرح بسقوطي أعدآئي اللهم لاتكسر لي ظهرآ ولا تصعب لي حاجة ولا تعظم عليّ أمرآ اللهم أغنني بحلالكـ عن حرآمكـ وبخشيتكـ عن عصيآنكـ يآ حي يآقيومـ أسألكـ بحآجة دآخل القلب وأنت أدرى بهـآ |
مواقع النشر (المفضلة) |
أدوات الموضوع | |
انواع عرض الموضوع | |
|
|