|
|
|
|
|||||||
| المدينة المنورة المدينة المنورة ، المدينة ، طيبة ، طيبة الطيبة ،طيبه ، طيبه الطيبه ، يثرب ، دار السلام ، مدينة رسول الله ، تاريخ المدينة ، آثار المدينة ، تاريخ طيبه ، معالم المدينة ، كتب المدينة ، كتاب المدينة ، الحرم النبوي الشريف ، خريطة المدينة ، حواري المدينة ، احوشة المدينة ، ازقة المدينة ، حدود المدينة ، المدينة بالعهد العثماني ، المدينة بعهد الاشراف ، المدينة بالعهد السعودي الزاهر ، سكان المدينة ، قبائل المدينة المنورة ، تاريخها - فضلها - آثارها - أخبارها - عادتها - أهلها - ذكرياتها - صورها |
 |
|
|
أدوات الموضوع | انواع عرض الموضوع |
21-12-2007, 02:43 PM
|
#1 |
|
كاتبة و باحثة قديرة
 
تاريخ التسجيل: Apr 2006
الدولة: طيبه الخير
المشاركات: 5,913
معدل تقييم المستوى: 53   |
لما تحك كف يدك ايش معناها... ولما ترف عينك كمان ..تعال وشوف
 البساطه في التفكير والعفويه ايضا ممزوجة بالكثير الكثير من الطيبة والصفاء ونفس تمتلىء بالبراءة والحب والأمل كيف كان ذلك سنرى تلك الملامح عبر مجلس العيله في بيت الحاره:  في الـمجلـس جالسه منَه جارة سعديه مع اختها فتو : وهي قاعده كل شويه تحك عيونها وتقولها والله ياختي ياسعديه ماني عارفه عيني اشبها ترف من اليوم شغلتني... قالت لها سعديه :عيني ياعيني يامنه والله اكيد راح تشوفي الغايب ربي يفرح قلبك يااختي ويرجع لك بالسلامه اكيد اليوم ولا بكره يجي ولا تقلقي بس انت ولا تكتري تفكير بكره تملي عينك بشوفته . وترد عليها منه وهي تضحك ومستحيه الله يسمع منك ياسعديه ومن فمك لباب السما هاذي المره طالت سفرته يارب وتقول فتو انا لما كنت جالسه بعد ما صليت الفجر وحطيت الكافتيره ابغى اسوي الشاهي لابو العيال عشان يفطر واشوف يدي تاكلني بطريقه مره قويه حتى الكافتيره خفت امسكها تحرقني من كتر ما تاكلني يدي ويادوب ما خلصت وسويت الشاهي ومالك علي يمين يااختي بس يادوب غسل الرجال يده وشلت الزبديه والمنشفه ورجعت الا وهو ياعمري عليه مخرجلي عشرين ريال وقلي: اذا تبغي تشتري حاجه لنفسك بيني وبينكم والله فرحت في نفسي كنت محتاجه شوية حاجات وكنت اقول لنفسي لو جاء فرقنه وانا ما عندي فلوس اعمل ايه .. واتذكرت سعديه لحظتها جارتهم زنوبه وقالت على فكره اقلكم (وهي تشرب في فنجان الشاي وحطته) وكملت : ايش اخبار زنوبه لسه ما ولدت . قالت لها سعديه لسه مسكينه اهي تستنى ليلتها والاوجاع تروح وتيجي عليها قامت منه وقالت : اظن انها راح تجيب ولد ان شاء الله لانه شفتها قبل كام يوم وبطنها جايه على طول .. قاطعتها فتو قالت : ياشيخه على طول ايه يامنه دي جايه عرض والله اعلم بنت.. وراحت الجلسه على ولد البطن جايه طول او بنت البطن جايه عرض .. الين اذن المغرب لحظتها انتبهوا وقالو كلهم بصوت واحد تقريبا: ولد بنت ربي يعطيها ساعة السلامه هذا هو المهم .. ووقفنا فتو على الباب وسألناها تزيدنا من الكلام وعند الباب يحلى الكلام فقالت : -اذا وقفت حمامه على الطاقه معناها ياقلبي يجيك اوادم فاستعدي لاستقبالهم وكمان لما اللبس يحك في الارض ويسوي صوت كمان يبغى يجوك اوادم ولازم تستعدي -كمان لما تقلبي الشاهي وتطلع كشكشه على وجه الفنجان معناها جيتك رزمة او صرة فلوس -ولما كمان اذنك تطن وتطن معناها احد جايب بسيرتك وغالبا ما يمدحك . -ولما الولد ولا البنت يتفل ويطلع ريقه لبرا معناها المطره جيه ان شاء الله -واذا حكتك رجلك واكلتك معناها راح تروحي مشوار -ولما تاكلك يدك الشمال معناها راح تصرفي الفلوس الي عندك يووووووووووووووه وحاجات والله كتيره وهاذا الي اذكره يالله خليني اروح اصلي المغرب اشوفكم على خير يارب وقفلت الباب وسكت الشيش وراحت في أمان الله
__________________
 |
|
|
|
21-12-2007, 03:10 PM
|
#2 |
|
.:: حجازي برونزي ::.
 
تاريخ التسجيل: Jun 2007
الدولة: المدينة المنورة
المشاركات: 14,905
معدل تقييم المستوى: 58 |
رد: لما تحك كف يدك ايش معناها... ولما ترف عينك كمان ..تعال وشوف
[grade="00008B FF6347 008000 4B0082"]السلام عليكم ورحمة الله وبركاته
الله يعطيك الف عافية ويسعدك ربي اختي سفانه وتسلم ايديكي واشكرك ياست البنات على الموضوع والطرح المميز والروعه بروعتك ياقمر والله كاني جالسه مع امي وعمتي ياسلام على ايام زمان رررررررروعه ربي يحفظك ويحميك ويبارك فيك ياقمر وردة المدينة [/grade] |
|
|
|
|
21-12-2007, 03:17 PM
|
#3 |
|
كاتبة و باحثة قديرة
تاريخ التسجيل: Apr 2006
الدولة: طيبه الخير
المشاركات: 5,913
معدل تقييم المستوى: 53 |
رد: لما تحك كف يدك ايش معناها... ولما ترف عينك كمان ..تعال وشوف
يسعد عمرك ياغاليه
شرفتيني والله اسعدني جدا حضورك للموضوع هاه ياغاليه يدك تحك ولا عينك ترف والله حكايات امهاتنا وجداتنا والله لا تنسى ولها جمال ليس له مثيل الف شكر لمرورك يااحلى ورده 
__________________
|
|
|
|
|
21-12-2007, 03:53 PM
|
#4 |
|
.:: حجازي جديد ::.
تاريخ التسجيل: Dec 2007
المشاركات: 26
معدل تقييم المستوى: 0 |
رد: لما تحك كف يدك ايش معناها... ولما ترف عينك كمان ..تعال وشوف
سلام
مشكورة على الموضوع والطرح الراااااااااااااااائع لكن على سالفة حك الكف أنو بتجيه فلوس الحقيقة والوالدة ( وهيا من العراق) دايم تقولنا هذا الشي وأنو هذا الشي معروف عندهم بس نحن نقول:  يارب تحكنا دايم   ولا كيييييييييييييف؟؟؟؟؟ وشكرا |
|
|
|
|
21-12-2007, 05:48 PM
|
#5 |
|
Alhjaz Deputy Manager
ღ Om Mohammed ღ  
تاريخ التسجيل: Mar 2006
الدولة: الغاليـــ بــلادي ـــــة
المشاركات: 10,512
معدل تقييم المستوى: 200 |
رد: لما تحك كف يدك ايش معناها... ولما ترف عينك كمان ..تعال وشوف
السلام عليكم ورحمة الله وبركاته كل عام وأنت بخير أختي العزيزة سفانه رائع ما خطته أناملك من طرح ما شاء الله عليك... وأنا جالسة أقرأ موضوعك ايدي اليسار حكتني.. هاا راح تجيني فلوس ولا راح أصرف فلوس؟ ^_^ عندنا نفس المعاني بس حسب ما أتذكر واحنا صغار يقولون لنا إذا رفت عينك اليمين غير عن إذا رفت عينك اليسار.. يعني وحده خير والثاني شر (الله يبعده عن الجميع) ونفس الشي لحكة اليد وحده تجيك فلوس ووحده راح تصرفي فلوس ^_^ يسلموو أختي الكريمة على المعلومات الحلوة والسرد الجميل ما شاء الله عليك يعجبني أسلوبك في الطرح ربي يحميك ويحفظك من كل عين.. وننتظر منك المزيد والمزيد والمزيد.. مع التحية والمحبة الأخوية طيــ الذكريات ــف
__________________
   { عـامل النـاس كـما تـحب أن يـعاملوك } { إنـ.. طالـ الزمـان }{ ولمـ تروني },,{ فبالـ خ ــير دوماً }{ اذكـروني }  مع التحية والمحبة الأخوية طيــ الذكريات ــف .@. وحدهـ منـ الناس.@. لأسرة منتداي أقول: .............................................................................. شكــــراً على كل شي ...   |
|
|
|
|
21-12-2007, 06:04 PM
|
#6 |
|
.:: حجازي جديد ::.
تاريخ التسجيل: Dec 2007
المشاركات: 26
معدل تقييم المستوى: 0 |
رد: لما تحك كف يدك ايش معناها... ولما ترف عينك كمان ..تعال وشوف
طيب يوم تحكنا رجلنا اش معناها
على كدا اكيد فيها معنى ويسلمو على الطرح الرائع |
|
|
|
|
| مواقع النشر (المفضلة) |
|
|
العرض العادي
