منتديات الحجاز الثقافية  

 

« آخـــر الــمــواضــيــع »
         :: برنامج لتصميم 3d cube animated ( الكاتب : alma7i )       :: مقدمة برنامج حروف وبراعم ( الكاتب : alma7i )       :: اطفال جدة أنشودة الرحمة يا إخوان 1407هـ 1987م ( الكاتب : alma7i )       :: أنشودة غنينا ياعيد لسمر عمرباجابر ( الكاتب : alma7i )       :: فزورة من فوازير الإذاعة عام 1414هـ / 1994م ( الكاتب : نصراوي نجد )       :: افضل خياط ثياب رجاليه في جده تفصيل ثوب رجالي و تصميم الثوب السعودي ( الكاتب : لهفتي )       :: على الخاطر ( الكاتب : alma7i )       :: الغريبة ( الكاتب : alma7i )       :: أنشودة بين النخيل لهبه رضوان ( الكاتب : نصراوي نجد )       :: أنشودة ياصايم رمضان لسمر عمرباجابر ( الكاتب : نصراوي نجد )      


استرجاع كلمة المرور طلب كود تفعيل العضوية تفعيل العضوية
العودة   منتديات الحجاز الثقافية ( ثقافية - تاريخية - أجتماعية ) - alhjaz forums of cultural > منتديات التعليم والتطوير - Education & development forums > التربية والتعليم > خطوات جامعية

إضافة رد
 
أدوات الموضوع انواع عرض الموضوع
قديم 21-08-2012, 02:01 PM   #1
مليوون خاطر
حجازي غير
 
الصورة الرمزية مليوون خاطر
 
تاريخ التسجيل: Jun 2009
الدولة: almadinaBoys
المشاركات: 1,547
معدل تقييم المستوى: 14
مليوون خاطر is on a distinguished road
Wewetuuoplnbh Denton,Tx

السلام عليكم ورحمة الله وبركاتـــه


انا اليوم بتكلم مدينة دينتون اللي في تكساس واللي هي Denton,Tx الجامعه اسمها University of north texas فيها معهد والمعهد اسمه IELI وانا ادرس فيه حاليا بس ناقل انشالله هالاسبووع رايح ادرس بالجامعه لاني حصلت على الايلتس ..

انا بتكلم عن الجامعه والمدينه بشكل عـام لكـ م عشان تكونون جاهزين وعارفين كل شي قبل لاتجون لها..


المدينه صغيرهـ مرهـ بس متوفرـر فيها كل الخدمات بس تحتاج سيارهـ للأمانه والسعوديين فيها كثيرييين وانشالله ماراح يقصرون معكـ..

جو المدينه زي جو السعوديه حررر بالحيل وفيها نسبة رطوبه خفيفه .. طبعا بالصيف حار وبالشتا برررد وبعض الاحيان ينزل ثلووجـ..

المدينه مافيها اشياء ترفيه وفله تراها ضيقة خلق بس اللي يميزها انها تبعد عنها مدينه اسمها دالاس وهي مدينه كبيره فيها كل شي تبعد عن دينتون 45 دقيقه ..وفيها مطار دولي يبعد عن هالمدينه نص ساعه تقريبا بالفورت وورث المدينه فيها مطعم عربي اسمه الياسمين كل السعوديين تلقاهم فيها شبه يومي وفيها شيشه وفي مقهى ثاني اسمه نتلي برضوا بس هذا حق شيشه وطقة بلووت وفله..

طبعا لاز تكون معك سيارهـ هي السياره فيك فيك اني وي ولا انك تمشي مع واحد يكون معه سياره عشان ترتاح وتفلها ..

والمدينه كويسه فيه مطاعم واجدهـ سواء مطاعم عاديه او مطاعم امريكيه راقيه ..

ام دالاس مثل ماقلت لكم فيها كل شي سواء مطاعم عربيه عد واغلط واللي تبيه تلقاه هناكـ..

نرجع للمعد الحين عشان تكون لك معلومه ..

ترى المعهد من اقوى ثالث معهد بامريكـا يعني المعهد صعب صعب صعب وكثييف وكل واجبات وضغط هذا عامل ماهب زين لكـ بس بنفس الوقت المعهد يطلعك رجال بالانجليزي يعني يأسسك بالانجليزي صح ..مشكلته انهم يضغطونك بالواجبات صح يعني الواجبات تقعد عليها 3 ساعات الى 4 ساعات تذاكرها بجد زي السلام عليكم هو متعب مرره بس الفايده لكـ بالنهايه ..
طبعا المعهد هو 6 لفلات اول لفل اسمه زيرو بعدين ون الين سكس طبعا من لفل زيرو الين لفل 2 يعتبر سهل وتمشي فيه ماتحس ان عليك ضغطوات بس الضغوطات بتحس فيها من لفل 2 اللي هو اسم الماده كومنكيشن اللي فيها اللسننق والريدنق خاصة الريدنق صعب قليل اللي ينجحوون منه الا اللي مره ممتاز وكويس بهالمهارهـ.. ام اللفلات اللي فوق تبدأ الصعوبات..

طبعا النجاح بالمعهد من 70 وما فوق لو تجيب 69 ونص ماتنجح لو تحب يدينهم تعيد اللفل شهرين مره ثانيه هم متشددين الا اذا انت مصصم ليه سقطت تسوي مقابله وتشوف اختبارك وليه سقطت بس بالنهايه ماراح تستفيد شي عايد عايد ..طبعا هم يسمحولك تغيب 3 مرات بالترم تغيب رابع مره يعطونك انذار اذا غبت 5 يطردونك برره المعهد ..يعني هالثلاث غيابات وفرها الين اخر التررم ..


اللاب اللي هي حصة الكمبيوتر هي فيها استفاده وبنفس الوقت لا ع حسب الشخص يعني بالنسبه لي جوها ممل بس يمكن انت تنفعكـ كل واحد يختلف ع الثاني .. اني وي اللاب يسمحولك تغيب 3 مرات اذا غبت 4 ينقصون عليك درجتين من الماده الاساسيه وهي الكميونكيشن باخر الترم يعني فرضا بمادة الكميونكيشن درجتك اخر شي 70 تعتبر انت ناجح بس لاتنسى ان في درجتين راحت منك بالاب لا غبت ونقصو عليك درجتين فتصير نسبتك 68 يعني ساقط حرام تعيد شهرين عشان درجتين فانتبهو لـ هالنقطه تراها سقطت سعوديين واجديين لانهم مايعبرون الاب ولايحضرونه فانتبه وخطط ..

المدرسيييين فيها ممتازين طبعا مو كلهم بس بشكل عام ممتازين والمعهد مررره متشدد خاصة بالغيابات والحضور والتأخيرر ..

طبعا اغلب اللي يدرسوون فيها من اللفلات زير او ن يوصلون لـ اللفل 4 مايكملون بالمعهد ياخذون اختبار ايلتس او توفل وياخذون درجة الجامعه وينقلووون لان المعهد يأسس الواحد صح من البدايه ..بس بشرط اذا انت راعي لعب ولا انت راعي دراسه بالمرره وتبي معهد دراسه وفله بنفس الوقت مانصحك فيه لانه هذا معهد ضغط وقووووي يا انك تمشي معه بالبدايه مضبوط ولا عزالله انك بتحفررر واجد فيه

المعهد يعتمد على الرايتنق والريدنق كثييييير وخاصة الاسبلنغ اذا الاسبلنغ عندك معدوووم فالله يعينك بتتعب مع المدرسين يعني لو تكتب موضوع صفحه او صفحتين عندك 5 اغلاط اسبلنغ على طول درجتك تكون 65 يعني ساقط حتى لو انك كاتب كتابه حلوه ومفهومه لانهم يعتمدون ع الاسبلنغ فيبيلك تشد حيلكـ..

وانا انصح لكل اللي يدرسون بالمعهد هذ1 اذا حسيتوو بديتو تفحطوون فيه واجد لاتقعدون فيه انقلووو ..لان المعهد اللي بيدفع بحسابه تراه غالي حوالي 2600 دولار لكل لفل يعني 10 الاف ريال سعودي تقريباا ..

بس للامانه للامانه المعهد ممتاز ويعلم حييل صح انك بتحس بالملل والضغط الكثير بس بتتعلم منه .. وعلى فكرهـ مشكلة هالمعهد انه يدخلك بضغوطات نفسيه ماراح تعرف انك ناجح الا بعد اختبار الفاينل حتى لو درجاتك عاليه ممكن الفاينل تخبط فيه وتسقط مثل ماقلتلكم المعهد يدخل الواحد بنفسيه وضغوطات بس بالنهايه بتستفيد تحس انك متعلم صح ..

ميزة المعهد انه داخل الجامعه يعني تطلع من المعهد فيه كوفي قدامه ومطاعم اسم المجمع يونيون تروح تاخذ كافي وتلقى السعوديين فيييه يجتمعون وألخ..
نسيت لا اقولكم ان دوام المعهد يختلف على حسب اللفلات اذ1 انت من لفل زيرو الين لفل 2 دوامك راح يكون بالغالب من الساعه 1 وربع ظهرا الى الساعه 5 جكم ..ام باللفلات اللي تليها الدوام يبدأ على حسب في اللي منهم يبدأ من الساعه 8 وربع صباحا الين 12 مساءا طبعا راح يكون هناك بريك اللي هي فترة راحه تقريبا ساعه او يبدأ الدوام من الساعه 10 ونص صباحا الين الساعه الساعه 12 ظهرا ومن ثم بريك فترة راحه الين الساعه 3 وربع الى الساعه 5 يعني حيكون لك بريك لمدة 3 ساعات تقريبا ..

ام بالنسبه للسكن عند حرم الجامعه فيه شقق واجدهـ ولكنها غير مفروشه اغلبيتها واسعارها تقريبا من 600 الى 700 .. بس اللي بره الجامعه

في شقق اسمها القيت وي وهذا ممتاز سعره يبدأ من 435 الى 600 على حسب الغرفه كم غرفه تبيه لانه مع روميتيه وشامل كل شي انترنت ومويه ومأثث اللهم اللي عليك تجيب المفرش عليكـ بس وميزته قريب من الجامعه ويجي فيه باص كل 10 دقايق يوديك للجامعه ويرجعك لشقتك ..


وفي سكن اسمه الفوورم هذ1 اغلبية السعوديين ساكنين فيه هذا سكن جديد مرره وانا قد سكنت فيه سعرره غويلي بس خطييير مأثث وشامل كل شي اللهم المويه والكهربا ع حسب استخدامكم له ممكن ريتفع او يقل سعره تقريبا 600 وشوووي

اني وي ميزة المدينه هذي فيها شقق واجده عد واغلط واختر اللي يعجبك واسعارهـا حلووه ومناسبه مررهـ.. وميزة المدينه فيها باصات توديك للجامعه ..ام بالسسمر فيها باصات بس مايجي الا كل ساعه ام طول السنه يجي كل عشر دقايق ..

المدينه تنفع للعزابيه والمتزوجين في نفس الوقت .. وفيها مسجد واحد قريب من الجامعه مرررررررررهـ ..


انا اللي يهمني من كلامي هذ1 عشان ما انكب الشباب اللي راح يروحوله .


اللي جاد بدراسته وماعنده لعب ويتحمل الضغط الكثيف يدرس فيه لانه راح يتعلم ويتأسس ..ام اللي بيجي وفيه ريح يمين ويسار راح يتعب واجد بالمعهد ..طبعا انا اتكلم تقريبا كل السعوديين هنا فيهم ريح ولعب بس يعطوون حق المعهد لان المعهد تفووت واجب او ماتذاكر يوم بيومه بتضيع من جد والمدرسين مايرحمون حتى لو يضحكون بوجهكـ لان اسئلة الاختبار ماتكون من المدرس من اللي فوق المدرسيين ..

فـ نهاية كلامي السعوديين واجديين سواء عزابيه او مع عوايلهم ..

ملاحظه قبولـ الجامعه لطلاب البكالوريس والماستر سهل جدا ولا ياخذ وقت .. ام بالنسبه لـ طلاب الماسترـر اللي حابين يدرسون فيها اذا جيت تدخل جامعتها لازم تخلص معهدهم او انك تجيب ايلتس 6 ونص او توفل درجه عاليه وتجيب الجيامات 450 هم يطلبون بالجيمات 500 وشوي بس ماعيلك منهم اذا خلصت المعهد وجبت الجيمات 450 راح يدخلوونك ماعليك لمن يقولون 500 خذ العلم مني اعرف شباب دخلوا فيها بهالدرجه ..

انا كتبت موضوع عن هالمدينه لانه محد يعرفهاااا او اللي حاب يعرف عنها معلومه حبيت اخدمه ..لاني انا على وشك الطلوع من المدينه قريبا ..فحبيت اخدم الطلاب الجدد اللي بيجون فيهاا

واللي بيجي للمدينه السعوديين واجد ومابيقصرون معكم لانه في نادي سعودي والمسؤول عنه اسمه وائل انديجاني او سلمان الريمي اللي حاب يقدم ع الجامعه يدق عليهم وقولوهم ابي اكلم سلمان الريمي او وائل ...



للتقديم ع المعهد هذ1 الرابط حقه

http://www.international.unt.edu/ind...ticle&id=183&I temid=157 في شي مكتوب فوق اسمه IELI اضغطو عليه وعبو الابلكيشن اون لاين او اطبعوهـ وعبو الاوراق

موقع الجامعه
http://www.unt.edu/ للتقديم ع الجامعه

المعهد والجامعه مفتوح من الملحقيه ولا هو مقفل هو تقفل فترررهـ المعهد لصعوبته والشكاوي عليه ثم تم فتحه ..

على فكرهـ ..اللي بيجي ويبي يطلع رخصه امريكيه لايروح يختبر ترى اغلبية السعوديين معم اسئلة والاجووبه حق اختبار الرخصه احفظها مثل اسمك ورح اختر التقدم للرخصه لازم يكون معك اي توني والجواز ..


المدينه بشكل عام رخيصه بالحيل بتحسون انكم بالسعوديه لان اهل الولايه هم من الكابوويس

تحسون فيهم عرق البداوه شوي

اتمنى اني افدتكم بالملعومات القيمه عن المدينه والمعهد ..ولا احتاج منكم سوا الدعاء لي بالتوفيق بدراستي لاهنتم

ملاحظة : أتمنى من الادارة فتح قسم للمبتعثين لمستعدتهم حول الجمعات والمدن وشكرا
اخوكم
مليوون خاطر
مليوون خاطر



Denton

__________________
لـِنكُنْ آروَاحْ رَاقِـيَـة

نَتسـامْى عَنْ سَفـاسِفَ الـَأمُـورْ وَعـَنْ كُـلْ مَـايَخِدشُ نـَقائنـا


نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق


نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ


نتـَرفـْع عَـن التفَاهـَاتـْ والقِيـلَ والقـَالْ .. نُحِبْ بـِصَمتْ وَنغَضبْ بـِصَمتْ


وإنْ آردنـَا الـَرحِيلْ .. نَرحـَلْ بـِصَمتْ
مليوون خاطر غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الانتقال السريع


الساعة الآن 10:11 PM


Powered by vBulletin® Version 3.8.7
Copyright ©2000 - 2019, Jelsoft Enterprises Ltd
All Rights Reserved Alhjaz forums © 2006 - 2014
mll